澳門體壇風雲人物、前體育發展局局長蕭威利，作為2019年壓軸嘉賓作客體週論壇，揭開一段封塵十年有多的小城體育史，妙語連珠，古今多少事都付笑談中。在節目中，蕭威利坦承自己大膽、霸道，但確推動了不少突破性項目，對過去工作絕無後悔。他同時發揮〝Think Big〞精神去建議，若當局想打響大灣區名頭，大可聯合大灣區城市申辦亞運會，“我同亞洲奧委會當時係傾過呢個問題，甚至乎只係同香港都得。〞
統領三大運 惹來話題多
蕭威利乃傳奇人物，空手道出身的他，1979年加入政府，官運亨通，回歸前已官至體育總署署長，回歸後續掌體育發展局 (現改稱體育局)，亦一度出任05東亞運組委會股份有限公司主席等。近30年公職生涯，蕭威利推動了多項突破性的體育項目，為澳門開創了一個時代。他為官比較率直、健談、多搞作而成傳媒寵兒，體育界對他多創新、做事強硬而又愛又恨。他統領〝三年三大運動會”前後，惹來不少話題、爭議及批評，2006年被央視選為“2005年度十大體壇風雲人物”2008年退休，曾為亞奧理事會副主席、傳媒委員會主席。
三十年公職 盡嘗甜酸苦辣無後悔
俗語說， 十年人事幾翻新，但12年後，有關蕭威利的話題仍在體育界流傳， 〝我入職到我退休，都無離開過體育界....由澳葡時間，甚至特區政府都曾經考慮過，叫我搞第二範，但我都堅持，我只有興趣搞體育。呢段時間真係有起有落，有高興、有唔高興，有辛苦，有開心，乜都有，甜酸苦辣。總括來講，我無後悔，主要我喺呢度長大，我係澳門人。我所有嘅嘢，物質好，生活方式好，我健康又好都係澳門比我，都係特區政府、澳葡時期比我，我應該回報返比澳門。至宜家呢個熱情，我估都無退到。〞回想當年，蕭威利不無動容，現在卻可笑者說，〝鬧係一樣嘢，你仲係吞埋啲死貓，明唔明？呢樣嘢，係吞死人。所以我當時話，夠啦，真係夠啦，我想保返條命仔。〞
籌辦東亞運會的前因後果
提起蕭威利，怎能忘記澳門2005年到2007年的三年之內，澳門籌辦了東亞運動會、第一屆葡語系國家運動會及亞洲室內運動會，轟動一時，因回歸初期的庫房並不充裕，三年辦三個大型綜合性運動會遭受到不少質疑、批評。
蕭威利事隔多年後解釋，東亞運是中國因應自身的體育發展及東亞區需要而一手推動，國家早在回歸前已支持澳門申辦東亞運，並得中葡聯絡小組確認，05東亞運場地設計藍圖在澳葡時期制定，並在時任局長即是他的枱面上，但場地興建則全由回歸後的特區政府負責，冀藉大型運動會推動澳門國際化、多元化，顯示能力，〝係特區政府要求搞大佢，包裝到佢更加靚仔。係當時何厚鏵先生（時任特首）比一個任務我..你諗乜方法都好，令到澳門走出亞洲。因為回歸後，仍有好多人唔識澳門呀，包括我哋中國嘅同胞！”結果，透過BBC、CNN及央視，一晚之間東亞運合共有5億2千百收視戶，整個運動會錄得超過450小時的轉播時間，“目標係絶對達到〞
三年三運會是成功及有價值的
蕭威利總結，同一個班子，三年辦三個運動會是成功及有價值的，得到國際的認同，回報比投資高四倍，亦證明了澳門有能力。當年通過比賽培訓了各方面的人員，例如競賽、場地、傳媒、場務、IT、市場開發及醫療等方面的人才。四年內如期興建了澳門蛋、理工、科大、塔石體育館等十個新場館，翻新了兩個場地，這些設備已成今天澳門體育的主要場館，且不限於體育，還促進了會展、文化等方面，現每逢〝大騷〞都在澳門蛋進行，〝當時各方面有個前瞻性，當時特區政府要求諗一諗綜合性館，只好淨係諗體育，會展、文化等等都要搞，所以出咗澳門蛋。〞而更重要的是，三個運動面向對象各不同，為澳門打開了的新局面，〝一連串、不停嘅宣傳，大大轉變咗澳門嘅國際形象，唔淨係一個賭城，都係叫做體育旅遊城市，有佢嘅文化，有佢嘅接待能力。〞
試運轉活動亦是重頭戲
三大運動會固然係戲玉，當中的試運轉活動亦是重頭戲，曼聯、巴塞羅那等歐洲班霸就藉此來澳獻技，2002年更辦了中國國家隊與葡國國家隊在世界盃前的友誼賽，轟動一時，此等體育盛事現幾成絕響，叫人懷念，〝我哋要試運轉，我哋要喺國際性有知名度...中葡大戰我就沙聲咗一個月，因為我同葡國去傾談，係晚晚12點先開始。總之你真係喜歡體育嘅，我好多時忘記咗，我係公務人員...你要放棄同家人嘅時間...〞他慶幸得到政府支持，有好的團隊及義工才能成事，亦都預判這些活動會成功，〝我當年飛咗去巴塞羅那，見佢哋嘅會長...我一定要見咗朗拿甸奴先，我要確定佢係咪來澳門，佢應承咗我一定來，咁我咪簽啦。當時我簽巴塞羅那，我預算一毫子都無。”
當年無悔勇出頭 靜心回想有保留
作為運動員，多數都支持政府辦大型運動會，惟當年的社會環境及認知是另一回事。尤其大興土木，場館紛紛深陷嚴重的超支旋渦，被審計署痛批，作為組委會主席的蕭威利成眾矢之的。蕭直言，做任何事都有壓力及挑戰，當年澳門的場地、酒店及人才等均不足，樣樣都遲起步，慢香港幾十年，〝當年只係得個勇字，一定要追返啲時間。”蕭又說，當年太忙，未有時間聽完所有批評，而且特區初成立，團隊新且很多方面都是新嚐試、缺經驗，“應該由邊一個部門出來講，交待乜嘢？都係無一個方向，當年我都叫做捱義氣啦，好多樣嘢唔應該我出來交待。場地興建絕對唔係我哋範疇，係工務範疇。我哋係使用者，佢哋要聽我哋意見...大家同事性格唔同，有一啲內向啲，又或者我肯講嘢啲，佢哋就推咗我出來，又或者我自己認為，我講都無妨嘅。所以做到一個誤會，諗住咁多條數，單單都係你度出嘅。當然唔係啦...第一，逢政府投資計項目，任何局長一文都無權批。第二，呢一方係工務範疇。如果我真係有貪嘅，我都唔係度啦，我都有敵人，點會就住我呢？咁多年，食得鰔魚抵得渴啦。〞蕭當年沒後悔勇出頭，後來靜心回想所有的批評、指責，確有點後悔了。
為何辦運會 市民體界不理解
蕭威利在任時充滿話題性及爭議性，第一如他透露，當年最困難是一般居民不理解，甚也體育界都因轉變太大而非一致支持，為何要辦東亞運呢？〝因為係蕭威利想威啫嘛，邊有可能？我點可能一手遮到一個特區政府。邊有可能未回歸前，遮埋中葡聯絡小組來通過呢件事？〞然而，當他們看到東亞運開幕式以及眾多志工參與，最後都感認同。
〝霸道〞每人尺度都不同
第二是霸道，他承認，〝霸道，個個人有唔同尺度。你話我個態度，我都承認有可能，有啲時間太過剛強，有啲時候太過出位。但問題係，我呢範呢，你唔出位，即時做唔到位啦。〞作為官員必須做決定、回應傳媒，〝你出鏡率高，都係犯人憎嘅，我理解，食得鰔魚抵得渴啦。”
大膽創新源於一顆〝飢餓心〞
第三是大膽，這點他也笑著感慨，〝我餓咗好長時間，係得個等，得個理論。〞因澳葡政府將體育放到後排，1986年才籌備一個獨立的體育總署、體育發展基金，87年後才有奧委會以及多個單項總會成立。他當年向澳督交出了很多計劃、建議，卻因非優先施政項目，又無錢、又無膽、無能力、無人才等種種原因，不是放櫃桶底，就是進了垃圾桶，直至首辦女排大獎賽成功才意識到，但他不甘心，〝我餓呀，渴望澳門成長，真係有臉見人呀！唔止衝破亞洲，喺世界上有個地位，我諗就係呢方面去推動我啦。〞故回歸後得到特首何厚鏵等人嘅支持，蕭威利終可大展拳腳，做出了多項大膽又創新的舉動，用他的話是〝心中有數”〝運動會六個月之前，特首喺禮賓府同我講....你搞到50分呢，我都滿意啦。我話你放心喎，70至80分一定攞到。〞
對未來政策作建議
三句不離老本行，蕭威利縱然退了休，還是在節目中對澳門體育發展提出不少意見。就體育政策，他指出，回歸前十年，澳門要搞國際化，運動會是不二之選。接著的十年，特區政府以大眾體育代替〝體育旅遊〞政府更注重居民健康、生活質素，這可理解。未來則不需要再搞綜合性運動會，但有條件、資金去舉辦一些高水平的國際賽事，如世界足球冠軍球會杯決賽、網球國際巡迴賽或者一些迷你運動會等。另澳門蛋、保齡球場、射擊中心等，可外判予私人公司去管理營運，增加設施的使用效率、效益以及有更多元化的活動，前題是體育界優先使用。
至於運動員培訓，必須制訂培訓政策，學界運動必須與單項總會相銜接，規劃好中學、大學的運動員生涯等，〝清清楚楚寫出來，乜嘢叫做精英制，或者半職業制，你一定要有呢個串連。〞再者，談職業化不該止於運動員、教練，還有行政人員、科研及宣傳等，總之不應外行管內行，〝香港都請CEO管足球啦，你係主席係另外一件事，CEO係第二樣嘢。〞
珠海樣式可作參考
蕭威利最後提到政府，認為體育局對澳門體育很重要，應充分利用好、分配好資源、人員等，〝我過去呢段時間，不斷聽到朋友講，宜家啲錢多咗，但係仲cut我嘅資源，乜嘢原因呢？〞事實上，1999年時，體育發展基金只4千4百萬元，現在已到93億元，還有體育局2億3千萬的年度經費預算，〝一定係要好全面、好深入，好實實在在去點樣去投放呢啲資源。特區政府投放（資金）絕對到位，係你點樣去分配？〞蕭例舉了幾個改革建議，例如，珠海人口、土地等均比澳門多，他們將體育、文化及旅遊集中在一個局，近年不停搞國際性賽事，值得澳門參考，另外，理工體院可以優化及更規範，甚至可直屬體育局。體委會也應重新去發揮聽總會意見的作用，〝係各方面嘅意見你要聽，唔係話擺咗一、兩青年人，就聽晒所有人嘅聲音。唔係咁架 ，你講得你嘅意見，你就要懂果樣嘢先，唔係淨係聽話。宜家最慘果樣嘢，澳門好多人，講咗等於做咗。〞
《體週論壇》逢週五晚上9時半於澳門體育週報Face Book 社交頻道直播，讀者觀眾亦可進入本報網頁及YouTube 頻道重温節目。
圖片說明：蕭威利 (中) 縱然退了休，亦甚關心澳門體育的發展。