當前位置:首页 > 體週論壇回顧

黎家棟:證件問題無損外闖決心

2018/5/19 下午 12:16:26 次留言 次閱覽 分类:體週論壇回顧

  

黎家棟(中) 指出學業與訓練是可平衡的

  有〝澳門姚明〞之稱的籃球名將黎家棟,作客體週論壇,介紹其職業球員之路,也為澳門籃球發展提多項建議。他坦言,加入香港南華、參戰ABL東南亞職業籃球聯賽兩事,都因證件問題而暫停,但無損其向外闖做職業球員的夢想及決心,〝打到依家咁嘅水平,出外跟住練,覺得都可以試吓出外闖...打波有邊個唔想打職業呀?”現有心向外闖打職業賽的澳門球員並不少。

職業夢雖暫損 仍堅持作訓練

    黎家棟有小巨人之稱,小六已一米七幾,但技術奇差,常坐冷板而比人笑,直到初二才加入校隊,經多年努力,現成澳門籃球Icon,去年獲選〝澳門傑出運動員〞,是首位獲獎的籃球員,更鮮有地被外地球隊相中,早前曾到香港著名的南華,今年初更與劉晉邦簽約中國忠信功夫,為澳門籃球史上,首兩位參戰ABL東南亞職業籃球聯賽的球員,惜情況不樂觀。職業球員夢受損,現只能身兼多重身份的他説,現在澳大讀學士後課程,又在母校粵華當餘暇活動協調員,更協助粵華籃球隊訓練、比賽,雖然南華及ABL都因證件問題而暫停,現仍堅持訓練,那怕只有一個小時,〝真係鍾意籃球,同埋亦都想果班年青師弟們做好啲,見到佢哋今年攞咗學界冠軍,都幾開心,始終睇住佢哋一齊成長,覺得辛苦都值得嘅。”他冀澳門能有一支職業球隊,相信會有噱頭,可吸引不少商業贊助,澳門籃球員亦可訂下更遠大的職業目標,不認為澳門無條件打職業賽。

建議學賽改制助提升

    學界賽是澳門籃球員搖籃,近年學界決賽逼爆塔石,為體壇年度盛事,捧起了一干學界之星,也為澳門培養不少悍將,黎家棟是俵俵者。他解釋,學界賽有氣氛,主因學校及學生支持,朋友搭朋友,便可拉一大班人捧場。若要再提升學界賽的熱度及水平,可從增加比賽時間、賽制方面著手,如每節比賽由現時的八分鐘增至十分鐘,與常規比賽接軌,〝八分鐘可能對細組係好啲,即係D組、C組,但上到B組、A組,打八分鐘就少咗啲,我哋依家打聯賽都每節十分鐘,佢哋都要適應。〞賽制方面可參考台灣,八強都打小組,四強才淘汰,以此增加比賽場次之餘,也較公平。另可嚐試〝主客制〞,引入小許商業贊助,不需要設獎金,贊助球衣、球鞋就OK。獎勵方面,若學界冠軍隊有機會出外跟外地球隊跟操,應甚具刺激作用。   

學業訓練平衡無問題

    黎家棟中學時,常被問學業與訓練如何平衡,榮升教練的他依舊認為,平衡無問題,〝放學四點三,頂盡練三個鐘都七點三啫,返到屋企,食個飯,食到八點半或九點,你可以溫習到十一點,每日都有兩個鐘時間(溫習),有啲學生可能十二點先瞓覺,睇自己啫。因為星期六、日仲有時間,你可以溫習或做其他嘢。我覺得,學生話要溫習,以呢個理由唔練波,唔係幾好。〞他指出,香港籃球是半職業,比賽較多及具競爭性。現時港澳水平在拉近中,儘管澳門未贏過港隊,但訓練再多一點便可一拼。

福建獨大兩面睇

    籃球是當今最受歡迎的體育運動之一,NBA熱爆全球,澳門亦甚多捧場客,但學界熱、聯賽冷,黎家棟説,現在學界賽盛旺,聯賽相對差,不明為何越來越少人看比賽,亦不明為何鮮有班主願投資籃球。少人睇波,少人投資、投入,形成了惡性循環。就福建一隊獨大問題,他稱要〝兩睇〞,此對球員是好事,無論資源、場地上,唯對球市或有影響,其他球隊會遇到出席人數不足、場地問題。建議澳門可先試半職業化,令球員生活得到;更可再試外援政策及多請外隊來澳比賽,藉此提高賽事水平及競爭性,帶動澳門球員上升,吸引多些觀眾入場,令球市興旺。

 《體週論壇》逢週五晚上9時半於澳門體育週報YouTube頻道直播,讀者觀眾亦可進入頻道重温節目。


相關資訊