克羅地亞球星摩迪歷勇奪世界足球先生殊榮，拿下足球界個人最高獎項之餘，更打破C朗、美斯壟斷十年的局面，有人歡喜有人愁，逢選舉必有爭議，今屆不例外。不過，摩迪歷實至名歸，大家應為無名英雄鼓掌。
球星掛帥的時代
足球是講球星的運動，沒有球星，球隊默淡無光，聯賽亦黯然失色，缺人捧場，邀請商業贊助亦甚艱難，所以歐洲球隊一有錢即身痕，總要羅致球星來效力，這遊戲玩了幾十年，最出位當數皇馬，有點資歷的球迷，應該記得過去〝六條煙〞年代，銀河艦隊何等威風，唔打得都睇得，贏杯最好，輸也收到票房、賣到球衣、吸到人氣及贊助，條數計得過。當然，也有些球隊唔咸唔淡，花了錢又賺不到成績，甚至破產、降班收場。
實而不華的無名英雄
長期追星之下，大部分實而不華的無名英雄，就會被人遺忘，摩迪摩可謂近年最有代表性的無名英雄，他的努力、實力厲害至極，尤其今年助皇馬成歐冠盃三冠皇、助克羅地亞打入世界盃決賽，表現毋容置疑，或許只有C朗團隊及皇馬才會大吵大鬧。攞咗咁多年，畀人攞一屆都唔得？C朗表現絕對不差，但人家不能更好嗎？相對而言，三甲不入的美斯團隊更顯風度。
鬥來鬥去只有兩三人
摩迪歷被封為世界足球先生，努力有回報，值得高興。然而，從另一個角度也反映球壇之不濟。第一，當然是跟紅頂白、球星至上的風氣方興未艾，儘管部分球星物有所值。其次，摩迪歷實與C朗同齡，均為33歲，美斯細他們兩歲，怎說也是有相當年紀的球員了，鬥來鬥去都只二、三個人，後生球員去咗邊，講來講去得一個麥巴比？
甄慶悅